Վերլուծություն
Մրցաշարային աղյուսակներ
Վան Բաստեն. ««Բրյուգեին» թալանեցին. չորրորդ գոլը պետք է արձանագրվեր»
Լեգենդար հարձակվող Մարկո վան Բաստենը դժգոհել է Չեմպիոնների լիգայի Լիգայի փուլի «Բրյուգե» – «Բարսելոնա» հանդիպման (3:3) մրցավարությունից, հաստատում է The Touchline-ը։
««Բրյուգեին» թալանեցին։ Չորրորդ գոլը պետք է արձանագրվեր։ Հաշիվը պետք է լիներ 4:3։ Վերմանը նույնիսկ չդիպավ Շյեսնիին։ Նա խախտում թույլ չէր տվել։ Այդ Շյեսնին այնպես ընկավ կարծես խախտում կար»,- ասել է «Ոսկե գնդակի» եռակի դափնեկիրը։
«Բրյուգե» – «Բարսելոնա» հանդիպման 90+1-րդ րոպեին բելգիական ակումբի հարձակվող Ռոմեո Վերմանը սահանկումով խլեց գնդակը մրցակցի դարպասապահ Վոյցեխ Շյեսնիից և գրավեց դարպասը։
Գլխավոր մրցավար Էնթոնի Թեյլորը դիտեց դրվագի տեսակրկնապատկերն ու չեղարկեց գոլը` արձանագրելով կանոնների խախտում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
ՉԼ. «Ման. Սիթին» տպավորում է` խոշոր հաշվով հաղթելով «Բորուսիա Դորտմունդին» 🎥
Չեմպիոնների լիգայի Լիգայի փուլի չորրորդ տուրում «Մանչեսթեր Սիթին» «Էթիհադ» ստադիոնում 4:1 հաշվով հաղթեց Դորտմունդի «Բորսւսիային»։
Մանկունիական գրանդից դուբլ գրանցեց Ֆիլ Ֆոդենը, մեկական գոլ խփեցին Էրլինգ Հոլանդն ու Ռայան Շերկին, գերմանական ակումբից աչքի ընկավ Վալդեմար Անտոնը։
Պեպ Գվարդիոլայի գլխավորած թիմը 10 միավորով չորրորդ տեղում է, «Բորուսիան»` 7 միավորով 14-րդ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Ներկայացում Բելգիայում! «Բարսան» ու «Բրյուգեն» գերգոլառատ ոչ-ոքի գրանցեցին 🎥
Չեմպիոնների լիգայի Լիգայի փուլի չորրորդ տուրում «Բրյուգեն» ու «Բարսելոնան» գերգոլառատ ոչ-ոքի (3:3) գրանցեցին։
«Յան Բրեյդել» ստադիոնում կայացած խաղում բելգիական ակումբը հաշվի մեջ առաջ էր երեք անգամ, բայց չկարողացավ հաղթել։
Տանտերերից դուբլ գրանցեց Կառլոս Ֆորբսը, մեկ անգամ էլ աչքի ընկավ Նիկոլո Տրեսոլդին։
«Բարսայից» գոլերը խփեցին Ֆերան Տոռեսն ու Լամին Յամալը, իսկ մրցակցի վինգեր Խրիստոս Ցոլիսը գրավեց սեփական դարպասը։
Հանդիպման 90+1-րդ րոպեին «Բրյուգեի» հարձակվող Ռոմեո Վերմանը սահանկումով խլեց գնդակը կատալոնական ակումբի դարպասապահ Վոյցեխ Շյեսնիից և գրավեց դարպասը` հաշիվը դարձնելով 4:3։
Թվում էր, թե 21-ամյա ֆուտբոլիստը հաղթանակ կպարգևի իր թիմին, սակայն գլխավոր մրցավար Էնթոնի Թեյլորը դիտեց դրվագի տեսակրկնապատկերն ու չեղարկեց դարպասի գրավումը. Վերմանը կանոնների խախտում էր թույլ տվել լեհ դարպասապահի նկատմամբ։
Հանսի Ֆլիկի գլխավորած թիմը 7 միավորով 11-րդն է, «Բրյուգեն»` 4 միավորով 22-րդը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
«Բարսելոնայի» ֆանտաստիկ գրոհն ու Յամալի գոլը «Բրյուգեի» դեմ խաղում 🎥
Չեմպիոնների լիգայի Լիգայի փուլի չորրորդ տուրում «Բարսելոնան» մրցակցի դաշտում մրցում է «Բրյուգեի» դեմ։
Հանդիպման 61-րդ րոպեին «բլաուգրանայի» ֆուտբոլիստները ֆանտաստիկ գրոհ զարգացրին, որը եզրափակեց Լամին Յանալը` հաշիվը դարձնելով 2:2։
18-ամյա ֆուտբոլիստը դարպասի գրավմամբ աչքի ընկավ Ֆերմին Լոպեսի կրնկով կատարած հիասքանչ ասիստից հետո։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
ՉԼ. «Պաֆոսը» սենսացիոն հաղթանակ տարավ «Վիլյառեալի» նկատմամբ 🎥
Չեմպիոնների լիգայի Լիգայի փուլի չորրորդ տուրում «Պաֆոսը» սեփական դաշտում 1:0 հաշվով սենսացիոն հաղթանակ է տարել «Վիլյառեալի» նկատմամբ։
Խուան Կառլոս Կարսեդոյի գլխավորած թիմը 46-րդ րոպեին խփել է Դերիկ Լուկասը։
«Պաֆոսն» ակումբի պատմության մեջ առաջին հաղթանակն է տարել Չեմպիոնների լիգայի Լիգայի փուլում` 5 միավորով բարձրանալով 21-րդ տեղ։ «Վիլյառեալը» 1 միավորով 33-րդն է։
Նշենք, որ Կիպրոսի չեմպիոնն առհասարակ առաջին անգամ է մասնակցում Չեմպիոնների լիգային։ «Պաֆոսը» հիմնադրվել է 2014 թվականին, իսկ նախորդ մրցաշրջանում առաջին անգամ նվաճել է երկրի չեմպիոնի տիտղոսը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
ՉԼ. «Չելսին» չկարողացավ հաղթել ադրբեջանական ակումբին` գրանցելով գոլառատ ոչ-ոքի 🎥
Չեմպիոնների լիգայի Լիգայի փուլի չորրորդ տուրում «Չելսին» մրցակցի դաշտում չկարողացավ հաղթել ադրբեջանական «Կարաբախին». գրանցվեց գոլառատ ոչ-ոքի (2:2)։
Լոնդոնյան գրանդից գոլերը խփեցին Էստևաոն ու Ալեխանդրո Գառնաչոն։ Մրցակցից աչքի ընկան Լեանդրո Անդրադեն և Մարկո Յանկովիչը։
«Ազնվականները» 7 միավորով 10-րդն է, «Կարաբախը»` նույնքան միավորով 12-րդը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Պաշտոնական. Մարադոնայի որդին իտալական ակումբ է գլխավորել
Լեգենդար Դիեգո Արմանդո Մարադոնայի որդին` Դիեգո Մարադոնա կրտսերը նշանակվել է «Պորտիչի 1906»-ի գլխավոր մարզիչ, հայտնում է ակումբի մամուլի ծառայությունը։
Կողմերի միջև կնքված պայմանագրի մանրամասները չեն հաղորդվում։
39-ամյա մասնագետը նախկինում մարզել է իսպանական «Իբառան» ու Իտալիայի ցածր լիգաներում հանդես եկող «Մոնտեկալչիոն», «Պոմպեյն» ու «Նապոլի Յունայթեդը»։
«Պորտիչի 1906»-ն էլ խաղում է Իտալիայի 5-րդ դիվիզիոնում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հակիմին տևական ժամանակով շարքից դուրս է մնացել
ՊՍԺ-ի պաշտպան Աշրաֆ Հակիմին կոճի շրջանում վնասվածք է ստացել, հայտնում է ինսայդեր Ֆաբրիցիո Ռոմանոն։
Մարոկկացի ֆուտբոլիստի ոտքի վնասված հատվածը կանշարժացվի 2 շաբաթ, ինչից հետո նրա ապաքինումը կտևի նվազագույնը 4-6 շաբաթ։
27-ամյա ֆուտբոլիստի մասնակցությունն Աֆրիկայի ազգերիի գավաթի խաղարկությանը հարցականի տակ է։ Մրցաշարի մեկնարկից առաջ Հակիմիի առողջական կվիճակը կզննեն Մարոկկոյի ազգային հավաքականի բժիշկները։
Աֆրիկայի ազգերի գավաթի խաղարկությունը կանցկացվի դեկտեմբերի 21-ից հունվարի 18-ը Մարոկկոյում։
Հակիմին վնասվածքն ստացել է «Բավարիայի» դեմ Չեմպիոնների լիգայի Լիգայի փուլի խաղում (1-2) մրցակցի վինգեր Լուիս Դիասի կոպտագույն սահանկման հետևանքով։ Այդ դրվագում կոլումբացի ֆուտբոլիստը կարմիր քարտ է ստացեկ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
«Կադիսը» հայերենով գրառում է արել սոցցանցերում 📸
Իսպանիայի երկրորդ լիգան` Սեգունդան ներկայացնող «Կադիսը» սոցցանցերում հայերենով գրառում է արել.
«Հայաստանում «Կադիսի» ամենամեծ երկրպագուն։ Մենք սիրում են քեզ, Քրիստինա»,- գրել է ակումբի մամուլի ծառայությունը։
Անդալուզյան ակումբը համատեղ լուսանկար է հրապարակել հայ մոդել Քրիստինա Այանյանի հետ։
«Կադիսը» համագործակցում է ամերիկյան էլեկտրոնային բաժնետոմսերի NASDAQ առևտրային հարթակի հետ։ Քրիստինա Այանյանն ընկերության վերահսկող ցուցակների ավագ վերլուծաբան է։
28-ամյա Այանյանը բնակվում է ԱՄՆ-ում։ 2020թ. փետրվարին ստացել է «Miss Boston», իսկ 2022թ.` «Miss Universe Armenia» մրցանակներին։ Նա նաև երգչուհի է, հեռուստահաղորդավար։
Հիշեցնենք, որ 2021-2022թթ. «Կադիսում» հանդես է եկել Հայաստանի ազգային հավաքականի նախկին ավագ Վարազդատ Հարոյանը, 19 խաղում խփել է 1 գոլ։
«Դեղին սուզանավը» Սեգուդնայի ընթացիկ մրցաշրջանում 12 խաղում 20 միավոր է վաստակել և 6-րդ տեղում է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:
© Interfootball.am 2025